«Վերնատուն» հրատարակչությունը ստեղծվել է այն համոզմունքով, որ գիրքը միայն տեղեկություն փոխանցող միջոց չէ, այլ մշակութային հիշողության, մտածողության և արժեքների կարևոր պահոց։ Մենք հրատարակում ենք հայ և համաշխարհային դասական ու ժամանակակից հեղինակների գործեր՝ ընտրելով այն ստեղծագործությունները, որոնք դիմացել են կամ կարող են դիմանալ ժամանակի քննությանը, խորացնել ընթերցողի ներհայեցման աստիճանը, ընդլայնել աշխարհայացքը։

Հրատարակչության անունը հղում է Հովհաննես Թումանյանի ստեղծած հայտնի գրական խմբակին, որը միավորում էր մտավորականների, գրողների ու արվեստագետների՝ ստեղծելով ազատ մտքի և ստեղծագործական երկխոսության միջավայր։ Այդ գաղափարական ժառանգությունն է, որ շատ դեպքերում մինչև այսօր էլ մեզ համար ուղեցույց է։